Bilatutako artxiboa: ‘ZE BERRI’ Kategoria

)

Zarautzen ere udalarekin harreman osoa euskaraz izatea nahi dugu; bai kiroldegian baita komunikazioa euskara hutsean egiten ez duten sailetan ere.

BOTA PURRUSTA , ZE BERRI

Osakidetzak hizkuntz lehentasunei buruz galdetuko die erabiltzaile berriei. Osakidetzan Euskararen erabilera normalizatzeko bigarren Planaren zirriborroak erabiltzaile guztien hizkuntz lehentasunen erregistro bat proposatu zuen. Jasotako kritiken ondorioz, erregistro horri uko egin zion Osasun Sailak behin betiko plana onartzean, Darpon sailburuak «legezkoa» zela berretsi zuen arren. Dena den, datu base zehatza aipatu ez arren, Osakidetzak datu horiek bilduko ditu.

Jon Darpon Osasun sailburuak eta Jon Etxeberria Osakidetzako zuzendari nagusiak aipatu planaren ildo nagusien berri eman zuten atzo Eusko Legebiltzarreko Osasun Batzordean. Hizkuntz lehentasunei buruzko azalpenak eman zituzten. «Erabiltzaile berriei galdetzen hasiko gara, baina hasten garen unetik aurrera gure ateak irekita egongo dira guztientzat», azaldu du Etxeberriak.

Osakidetzan euskararen erabilera normalizatzeko bigarren planak bi ildo zehaztu ditu. Alde batetik, ekainerako prest izango dute erabiltzaile berrien izenak hartzeko prozedura, eta, bertan, hizkuntz lehentasunari buruz galdetuko zaie. Bestetik, lehen arretako zerbitzuetan horri buruz galdetuko diete erabiltzaileei, eta datu pertsonalen atalean gordeko dute. Bi kasuetan erabiltzaileak oniritzia eman beharko du.

ZE BERRI

Hamaika telebistako Gurean Gaur saioaren elkarrizketa atalean, Paul Bilbao, Euskararen Gizarte Erakundeen Kontseiluko idazkari nagusiak jardun zuen. Hain zuzen, datorren urtarrilaren 16 eta 17an Donostian egingo den Lurraldea eta Hizkuntza jardunaldien berri eman zuen, euskararen egoeraren inguruan hausnartzearekin batera.

Jatorrizkoa: HamikaTB

ZE BERRI

 

 

Zarauzko mintzalagun talde batek EUSKALDUNZAHARRA BEHAR DU!

Talde hau astearteetan elkartzen da arratsaldeko 18:00etatik 19:00etara. Beraz, ordubetetxo hori libre baduzu eta euskarari bultzadatxo eman nahi badiozu… Eman izena eta izan euskalakari!
INFO: 943 13 01 75 (Eukene, 16:00-18:00) – urolakosta@aek.org

ZE BERRI

Gipuzkoako Foru Aldundiak (GFA), Udalerri Euskaldunen Mankomunitateak (UEMA) eta Euskararen Gizarte Erakundeen Kontseiluak ELE/Arnasguneak hedatuz izeneko proiektuari ekin diote elkarrekin. Proiektua lantzeko eta gizarteratzeko jardunaldiak antolatu dituzte UEUrekin lankidetzan.

Urtarrilaren 16 eta 17an egingo dira, Donostian, UPV/EHUren Carlos Santamaria zentroan. Eta matrikula doan izango bada ere, parte hartu nahi duenak, aurrez, izena eman beharko du.

Lurralde-antolakuntzak eta hirigintzak hiztun komunitatearengan duten eragina landuko da jardunaldi honetan. Hazkunde urbanistikoaren eta hizkuntza aldaketaren arteko harremanaz hausnartuko da. Bereziki, arnasguneei edo euskaldunen metaketa demografikoa jazotzen den guneei dagokienez.

HAUSNARRIAN , ZE BERRI

OLYMPUS DIGITAL CAMERA

Euskararen Nazioarteko Eguna zela-eta, Getariako bi mintzalagunek bisita egin zieten Iturzaeta eskolako haurrei. Bertan, ipuinak kontatuz saio eder batez gozatzeko aukera izan zuten, eta euskararen transmisioa alde batetik bestera arazorik gabe egin daitekeela erakutsi gainera. Eskerrik asko Andreina eta Ane!!!  OLYMPUS DIGITAL CAMERA

OLYMPUS DIGITAL CAMERA

ZE BERRI

Pasa den astean euskalgintzako hainbat kide Europako Parlamentua ezagutzera joan ziren. Hona hemen euskalgintzako hainbat kidek esandakoak.

HAUSNARRIAN , ZE BERRI

LAB, STEE-EILAS, ELA, Sortzen eta Ikasle Abertzaleak sindikatuek Nafarroan D ereduaren aldeko manifestaziora deitu dute abenduaren 18rako, “Irakaskuntzan, kolore guztiak” lelopean. Sindikatuotako ordezkariek salatu dutenez, “UPNk, PPNk eta Nafarroako Gobernuak euskal irakaskuntzari eraso egiteko baliatu dute Guardia zibilak irakasleen gainean egindako txostena”.

Sortzeneko Garikoitz Torregrosak D ereduko langileei esplizituki erabateko babesa eman diezaien eskatu dio Hezkuntza kontseilari Jose Iribasi, eta Intereconomia eta El Mundo hedabideen kontra legalki ekin diezaion, zabaldu dituen irudiengatik eta “gezurrengatik”.

LABeko Ainara Artetxek nabarmendu du txostena ez dela “kasualitatez” agertu, UPNk “erregimenaren amaiera berehalakoa dela ikusten duelako” baizik, eta horren aurrean “euskararen gaineko mamuak harrotzera” jo du.

Zentzu horretan, aurki matrikulazio kanpaina hasiko dela eta, UPNk ingelesezko eredua inposatzera joko duela nabarmendu dute. Antolatu duten manifestazioak egoera salatzea du helburu.

Bestalde, bihar, abenduak 10, kontzentrazioa egingo dute Foru Parlamentuaren aurrean, Iribas kontseilariak agertu beharko duela aprobetxatuz, eta “txostenaren mamia argituko den” itxaropenez.

BOTA PURRUSTA , ZE BERRI

Abenduaren 7an Orioko Herriko Plazan egindako jaialdian aurkeztu zuen bertako udaleko Euskara batzordeak udazken honetan grabatutako bideoa. Bideoa ‘Euskaraz bizi-bizi’ egitasmoaren barruan grabatu du Orioko Udalak, herritarren hizkuntza-kontzientziazioan eragiteko asmoz.

Orioko euskara batzordeak adin eta kolore askotako oriotarrak bildu eta euskarari buruz hizketan jarri ditu, talde txikitan: euskararen egoera nola ikusten duten, zer etorkizun aurreikusten dioten, erabilera bultzatzeko zer egin beharko litzatekeen… Hizketaldi horietan esandakoekin 23 minutuko bideoa osatu du, larunbateko jaialdian aurkeztu zena.

Iturria: sustatu.com

ZE BERRI

‘Hizkuntzak Biziberritzeko Estrategiak’ aditu-tituluak badu bere kantua: ‘Eremunduan’. John Buhameak egin du musika eta Jon Sarasuarenak dira hitzak.

BIZITAKUAK , ZE BERRI